باسم يوسف يتخطى جميع الخطوط الحمراء ويشن هجوما حاداً ويكيل الاتهامات والسباب للجيش ويتوقع سيناريوهات خطيرة قادمة

باسم يوسف والجيش

شن الإعلامي باسم يوسف في تدوينة له اليوم هجوماً على الجيش المصري، وتخطى جميع الخطوط الحمراء، ووصف يوسف الجيش المصري ب”العسكر”، مضيفاً أن جنرالات الجيش عندهم عقيدة أن البلد “بتاعتهم”، ونحن عالة عليهم أو على أسوأ تقدير أننا ضيوف عندهم.
وأضاف باسم يوسف ” الجيش فيه دولة داخل دولة بكل معنى الكلمة؟ الميزانية بتاعة الجيش بيتوافق عليها من مجالس الشعب من زمان من غير ما تتناقش و من غير ما نعرف فيها ايه. و على فكرة كل دول العالم ميزانية جيشها مفتوحة و ممكن من على الإنترنت تعرف حجم الإنفاق العسكري في اي دولة. بس الميزانية مش بتتناقش”.

وتابع يوسف قائلاً “ازاي دوله بتطل على بحرين و عندها تلت اثار العالم و قناة السويس و بلا بلا بلا في الاخر بتشحت. ببساطة لان الجنرالات دول واكلين البلد في كروشهم. قد ايه اراضي فاضية و اراضي ساحلية الجيش حاطط يده عليها؟ كام صناعة او منظومة خدمية الجيش حط ايده عليها في السنتين اللي فاتوا دول بس؟ و لما اقول “الجيش” باقصد الجنرالات اللي واكلينها والعة و بقية الجيش الفعلي بيتقتل كل يوم في سينا من شوية بهايم بشباشب و عربيات تويوتا نص نقل و انت مش عارف تقوم بشغلك الاساسي انك تحميهم”.
وأشار إلى أن الجيش بدلاً من أن يحمي الحدود والأرض يقوم ببيعها لدولة أخرى، ووضع باسم يوسف سيناريوهات للقادم، وقال “المهم بعد لما السيسي يغور، و هو حيغور كده او كده، سواء بنهاية مدته او لما الجيش “الحاكم الفعلي للبلد” يضحي بيه حفاظا على مصالحهم لو الغضب زاد شوية، المهم ايه اللي حيحصل بعد كده؟”.تابع تغريدة باسم يوسف كاملة…..