طاجن الفريك بالكبد والقوانص

اقر الخبر كاملا من هنا

طاجن الفريك بالكبد والقوانص
-كوب ونصف فريك منقى كويس جدا ومغسول ومنقوع ربع ساعة
-نصف كيلو كبد وقوانص مقطعة صغير
- شوربة دجاج
- 1بصلة مقطعة - 1طماطم مبشورة
-2 طماطم حلقات
- ملح وفلفل وبهاراتك اللي تحبيها
-3 ملاعق سمن

 الطريقة :
- نشوح البصلة فى قليل من السمن لحد ما يصفر لونها
- نضيف الكبد والقوانص والملح و التوابل
ونقلب لحد ما لون الكبد والقوانص يتغير
- نضيف الطماطم المبشورة ونهدى النار 15 دقيقة
- آخر حاجة نضيف الفريك بعد ما يتصفى من ميته ونفضل نقلب الخليط كله على نار هادية لحد ما يشرب صوص الكبد والقوانص
- نحطه فى الطاجن ونضيف عليه الشوربة لحد ما تغطيه تماما وعلى الوش حلقات الطماطم ومعلقة سمنة
-ندخله الفرن ونسيبه فى الفرن حوالى نصف ساعة لحد ماينشف ويكمل سواه
-او يفضل على البتوجاز على نار هادية في وعاء مش شرط الطاجن لو مش متوفر وبالهنا

للمزيد من الوصفات من هنا مع موقع منال الكومى للطبخ