شيكولاتة جيرسى
شيكولاتة جيرسى
المقادير :
150 جرام سكر بودره
2 بياض بيض
150 جرام عسل جلوكوز (يباع فى محلات لوازم الحلوانى )
300 جرام جوز الهند ناعم
زره من الفانيليا
هنحتاج بقى كمان ربع كيلو شيكولاته ومعاهم معلقتين كبار زيت ذره وهنعمل لهم حمام مايه ساخنه عشان تسيح وهتكون دى طبقه الشيكولاته تقدرى كمان تسيحيها بالميكرويف لو عندك
الطريقه :
وهتكون ولا اسهل من كده
هنجهز المضرب الكهربائى
ونحط فى الماكينه السكر البودره مع بياض البيض لمده 10 دقائق على السرعه العاليه لحد مايتكون معاكى مارينج بعد كده هتضيفى عسل الجلوكوز مع الضرب بعد كده هتضيفى الفانيليا وجوز الهند وبعد كده هتلاقيها تجانست مع بعضها هتاخديها وتفرديها رولات او الشكل اللى انتى بتحبيه تقدرى كمان تفرديها فى صينيه مدهونه زيت وهتلاقيها سهله التشكيل جدا وتضيفى عليها صوص الشيكولاته وبعد كده تقطعيها وتدخليها الثلاجه عشان الشيكولاته تشد تقدرى كمان تعمليها على شكل كرات وتغطسيها فى الشيكولاته
وبالهنا والشفاااااا
من فضلكم ضعوا أى تعليق ولو رقم حتى لتصلكم منشورتنا لو حبتوها
ليست هناك تعليقات