ازاى تتغلب على مكالمات الفيديو فى برامج الاتصال بعد حظرها فى مصر
من امبارح والناس كلها عندها مشكلة في الـ Connection مع برامج الاتصال VOIP زي مسنجر وفايبر و واتس اب بعد ما العباقرة بتوع الحكومة بدأوا في حجبها عن مصر وبقينا في مصاف الدول المتقدمة اللي بتحجب ال VOIP زي كوريا الشمالية ودول الخليج. وبعيدا عن الخوض في الاسباب اللوذعية اللي بتتقال على حجب الخدمة دي من جانب الحكومة علشان مش ناقصه هبل والمرارة مش بتستحمل
:Dخلونا ندخل على الحل للمشكلة دي وهو ال VPN، وبدون ماطول عليكم -قولوا طول
:D
- ال VPN ده عبارة عن حاجة بتنشألك اتصال وهمي بـ IP جديد في دولة تانية
وبالتالي تقدر تتصفح الانترنت كأنك في الدولة التانية دي وبالتالي هتتفادى
الحجب اللي الدولة عاملاهولك لأن المفروض ان اتصال الانترنت بتاعك بيمر من
جهازك لمقدمي خدمة الانترنت زي TE-Data والشركات دي اللي بدورها بتقدمها
للحكومة على طبق فضة :D
ومنها لشبكة الانترنت، لا ال VPN بيخلي الاتصال بتاعك يمر من جهازك لمقدم
خدمة ال VPN ومنها لشبكة الانترنت على طول وبالتالي اتصالك بيكون سري وآمن
على حسب مقدم خدمة ال VPN برضه :D
(زي ماهو واضح في الصورة اللي تحت) وفي منه انواع مجانية وانواع مدفوعة
وبتختلف على درجة السرية والامان بتاعه بس احنا اللي يهمنا دلوقتي اننا
نتفادى الحجب وخلاص.وبالتالي افضل برامج ال VPN المجانية واللي جربته شخصيا اسمه Turbo VPN وده ابليكيشن بسيط جدا بتنزله عندك ع الموبايل وبتعمل Connect بس وكده مبروك انت بقيت متصل من دولة تانية وتقدر تتصل بأي ابليكيشن اتصال براحتك، عيبه الوحيد بس انه بيبطأ سرعة الانترنت شوية بس اشطا احسن من مفيش :D
يستحسن بعد ما تخلص الاتصال اللي بتعمله تبقى تقفل ال VPN بانك تفتح الابليكيشن وتعمل disconnect
دي لينكات تحميل الابليكيشن
Android
iOS
ليست هناك تعليقات