عمرو اديب مهاجما الزمالك ” بقينا فرقة ملطشة ” ومرتضى منصور يعلن سبب الخسارة

بعد انتهاء مباراة الزمالك وفريق صن داونز فى النهائى الافريقى بتتويج الفريق الضيف رغم فوز الزمالك بهدف نظيف انهالت التعليقات على اداء الفريق فى المبارة بين ناقدة ومساندة للفريق ، وبطبيعة الحال لا يمكن ان يمر الموقف مرور الكرام من قبل الاعلامى عمرو اديب المعروف بانتمائه الشديد للفريق الابيض .
فقال عمرو اديب بعد المبارة :

احنا مش هنقعد نجيب مدربين يتعلموا فينا، احنا عاوزين مدرب كويس ، عاوزين مدرب كبير ، تعبنا بقى ، عاوزين مدرب واحد يفضل يمسك الفريق، هو دا جمهور الزمالك اللى بيتبهدل على طول، بس هنفضل طول عمرنا كده ملطشة.. مش ممكن يعنى ، دا الجمهور غلبان والله العظيم تلاتة ، كان نفسنا النهاردة نقدم حاجة للبلد ، إنما احنا مغلوبين الماتش هناك عشان مفيش تنظيم وتدريب كويس.

وتابع اديب فى وصفه بعد المباراة :

رب ضارة نافعة ، ولسه الدورى فى أوله ، عاوزين مدرب كويس وثبات للمدرب، دا نادى كبير، بالعشر سنين والـ14 سنة بين بطولة وبطولة، حرام الواحد تعب ، نادى الزمالك مش ملطشة دا نادى محترم، دا قدرنا احنا ديما كده.. عارفين الفرق بينا وبين الأهلاوية بتبقى مسألة شاذة بالنسباله البطولة تضيع، لكن احنا بالنسبة لنا عادى، انما 49 سنة بأتضايق، وأنا بتفرج على الزمالك من أيام حمادة إمام لغاية حازم إمام وحازم إمام الصغير لغاية ما مشى، حضرت كل عيلة إمام .

اما عن جماهير الزمالك بعد المبارة فانهار البعض داخل الاستاد بالبكاء بضياع حلم البطولة السادسة الافريقية و هاجمت اعضاء رابطة الوايت نايتس المستشار مرتضى منصور رئيس النادى الذى تحدث عقب اللقاء مؤكدا ان فريقه يستحق البطولة من البداية وان سبب الخسارة هو السحر الاسود الذى قام به فريق صنداونز و قال ” اللى هيقول غير كده هديله بالجزمة ”